Ég vona að þeir fylkismenn sem lesa þetta blogg séu búnir að jafna sig...neneneneneeeeee!
en að öðru:
Þá er dagur númer tvö í skólanum liðinn og mér líst bara voða vel á þetta allt saman. Ég er loksins komin í umhverfi þar sem ég kann reglurnar og það er ósköp þægilegt. Kennararnir eru mjög týpískir allir klæddir í flauelsjakka og gallabuxur, svona kasjúal en virðulegir. Það er létt andrúmsloft í fyrirlestrunum og allt eins og heima bara.
Það er samt einn kennari sem kom mér pínu á óvart en hann er mjög Ameríkuseraður og var fylgjandi innrásinni í Írak. Þetta viðurkenndi hann bara sisvona og án þess að skammast sín en sagðist þó vera viss um að vera í minnihluta í salnum. Hann í raun er viss um að heimurinn færi bara fjandans til ef væri ekki fyrir stöku inngrip Bandaríkjanna. Skrítið, flestir minna kennara eru svo vinstrisinnaðir að þeir gagnrýna Bandaríkin frekar en að tala þeirra máli. Reyndar var Magnus búinn að vara mig við þessu og sagði að þetta væri alls ekkert óalgengt. Þessi sami kennari lítur á sjálfan sig sem mjög mið-evrópskan því hann hefur bæði lært og kennt í Póllandi, Rússlandi og Lettlandi. Fyrir mér er mið-evrópa meira Þýskaland og Holland eða þar einhvers staðar en ég er kannski soldið gamaldags, járntjaldið er víst fallið.
Það er ákveðið að ég mun fara í óperuna á sunnudaginn að sjá eitthvað sem ég man ekki alveg hvað heitir. Magnus þarf að fara með sendiherranum því konan hans er veik eða í útlöndum og danski lærlingurinn er í svipuðum sporum. Þeir fara því sem eiginkonur sendiherranna sinna og þykir þeim það ofsa sniðugt. Ég hlakka mikið til og ætla að fara í mitt fínasta púss, ég fer jafnvel í háu hælana.
Bækur eru mjög ódýrar hér í borg og ég komst að því í gær að bókabúðin við hliðina á mér selur líka útlenskar bækur. Ég keypti ensk-lettneska, lettnesk-enska orðabók á 5.30 lats sem er 670 kall og sá fullt af fíneríis ljósmyndabókum sem mig langar að kaupa seinna.
Núna sit ég í kaffisölu stúdenta þar sem má kaupa kaffi og mat fyrir lítinn pening. Það er nefnilega nýtísku þráðlaust net hér í skólanum, ég bjóst alls ekki við því. Það þarf að stilla upp myndvarpa fyrir hvern tíma í stofunum og það kemur gaur til að gera það á milli allra tímanna. Ég skil ekki alveg af hverju þetta er svona mikið vesen en kennarinn bað okkur erasmusana afsökunar og sagði að við værum enn á póst-sovíeskum tímum.
Ég er að bíða eftir buddýinum sem mér var úthlutað sem erasmus nemanda. Hún á að hjálpa mér ef ég lendi í vandræðum og ég bað hana um að hjálpa mér að ná í námsefnið. Allar bækurnar eru nefnilega skannaðar inn og við eigum að sækja pdf skjölin í tölvurnar uppi á bókasafninu en það er náttúrulega ómögulegt ef maður talar ekki lettnesku. Ég reyndi í gær en starði síðan bara á skjáinn tómum augum gjörsamlega buguð. Pínu spes sýstem.
bless
p.s. Sólveig og Kolbrún, ég bið ofsa vel að heilsa og vona að skólinn ykkar sé eins skemmtilegur og minn. Í gær sá ég fullt af krökkum á ykkar aldri á leiðinni í skólann á fyrsta daginn og þau voru öll með blóm til að gefa kennaranum sínum. Til þess að komast í skólann þurfa þau að taka sporvagn eða strætó því það er svo langt að fara.
8 ummæli:
ég hélt í smá stund að ég væri að fá voða spes ps... en svo var víst ekki. þarf maður þá ekkert að kaupa námsbækur þarna í póst-sovét? þetta pdf-system hljómar nú soldið kommonískt :)
kommúnískt ?
haha þú færð bara spes ps. seinna sólveig mín
Jæja ég ætla að reyna aftur. Athuga hvort þetta virki hjá mér. Gaman að fylgjast með hjá þér.
Veiii það tókst. Snillingur he he :-)
Bara smá kvitt, gaman að heyra af þér
Kveja Lósý
Hvað heldur þú að hann Böðvar hafi gert í morgun ég er inni í eldhúsi að baka mér brauð í nesti fyrir vinnuna og heyrði þessi líka læti frammi og æði fram held að fólkið uppi sé með einhver háreysti í þvottahúsinu þá er þar allt í fiðri og Böðvar á fleygiferð á eftir sprelllifandi fugli, sem ég þurfti að fanga vopnuð stuttermabol eftir að ég náði kettinum og lokaði hann inni. Sem betur fer virtist ekki mikið að fuglinum hann flaug hratt upp í næsta tré. Ég var allavega glaðvakandi og spræk í vinnunni á eftir þarf víst að kaupa bjöllu í dag. Ég sem hélt að hann væri svo mikill engill að hann veiddi ekki fugla jahérna. Mér varð svo mikið um þetta að ég tók ekki eftir hvaða tegund fuglinn var held þetta hafi verið þrastarungi. Böðvar kvartaði ógurlega eftir að hann losnaði úr príundinni og leitaði um alla íbúð að fuglinum.
jeminn eini einasti, ég segi það með þér ég hélt að hann hefði þetta bara ekki í sér. það var nú gott að fuglinn lifði þetta af segi ég nú bara. já bjalla er víst málið.
Skrifa ummæli